Беларуская Нацыянальная Памяць

Навігацыя:

Навіны

Наш Livejournal

Актуальная інфармацыя

Спасылкі

Кантакт:

E-mail

Skype

Абвесткі:

· БНП працягвае збор сродкаў на выданьне кнігі С.Вітушкі.

Агульная сума ахвяраваньняў складае ўжо 1330 злотых.

Спасылкі на некаторыя матэрыялы пра С.Вітушку:
інтэрвію на Радыё "Свабода"
відэа з БЕЛСАТ

Вітаем на старонцы арганізацыі "Беларуская Нацыянальная Памяць":

Адной з асноўных прыкметаў духоўна здаровай Нацыі ёсьць ПАМЯЦЬ, веданьне нацыянальнай гісторыі, культуры, духоўнай спадчыны.

Звычайна дэнацыяналізацыя народу пачынаецца з выкараненьня ўспамінаў пра слаўныя і трагічныя старонкі гісторыі, узгадак аб нацыянальных героях. А ў выніку маем, што будуюцца "лініі сталіна", замест таго, каб паставіць крыж на Крапівенскім полі.

Аднак, трэба падзякаваць Госпаду Богу, што праўда выходзіць на сьвятло. Жыве Беларусь і будзе жыць. Усё часьцей на Бацькаўшчыне і на Чужыне нашыя землякі стыхійна імкнуцца адзначаць розныя сьвяты і памятныя даты нашага нацыянальнага календара, наведваюць магілы нашых славутых суайчыньнікаў, пазнаваць гісторыю роднага краю. Прыкладаў шмат. Гэта і Курапаты, і шматгадовыя сьвяткаваньні ў Сьвілачы й Якушоўцы, а таксама шмат іншых. І ў тым ліку дзейнасьць беларусаў у Польшчы. Тут склалася ўжо пэўная традыцыя наведваньня памятных месцаў, такіх як месца гібелі С.Булак-Балаховіча, магілаў Я.Жамойціна, В.Аношкі, арганізуюцца сустрэчы са сьведкамі гісторыі (напрыклад, з роднай сястрой Янкі Філістовіча).

Але гэта толькі пачатак. Хацелася б, каб такая дзейнасьць набыла маштабны характар, стала больш арганізаванай.

У асяродзьдзі студэнтаў-каліноўцаў нарадзілася ініцыятыва стварыць супольнасьць "БЕЛАРУСКАЯ НАЦЫЯНАЛЬНАЯ ПАМЯЦЬ", якая б займалася б зборам і распаўсюдам ведаў пра Беларусь, пра нацыянальную гісторыю і культурную спадчыну, ушанаваньнем памяці нацыянальных герояў і дзеячоў, пошукам і добраўпарадкаваньнем помнікаў і месцаў мартыралогіі.

Розных задумак у нас шмат. І глабальных, і лакальных. У бліжэйшы час павінен зьявіцца пэўны план ажыцьцяўленьня гэтых ідэяў. Але адну можам агучыць ужо зараз. А менавіта: ушанаваньне памяці К.Каліноўскага і змагароў нацыянальна-вызвольнага паўстаньня 1863 годам стварэньнем музэю-мэмарыялу ў Мастаўлянах.

Беларусы! Запрашаем далучыцца і дапамагчы ў разьвіцьці нацыянальнай памяці - ідэямі, канкрэтнымі прапановамі, працай, ахвяраваньнямі.

Жыве Беларусь!